Buot geavaheddjiide mearriduvvo geavaheaddjiavádat dan vuođul man guhkki lea ássančujuhusas gieldda guovddážii/čoahkkebáikái.

Seamma gieldda seamma avádaga geavaheaddjit ožžot seamma supmi.

Avádagat Finnmárkkus

1. 1-5 km.
2. 5-10 km.
3. 10-30 km.
4. Buot badjel 30 km.

Viiddiduvvon TT-ortnet*

a) Nuorra ohcit (vuollel 40 jagi) lossa doaibmavájitvuođaiguin. 

b) Juvlastuollogeavaheaddjit, čalmmeheamit/heajosoaidnit ja earát geaidde lea váttis johttit sajis sadjái

*ruhta maid johtalusdepartemeanta juolluda

Gielddat dat dohkkehit geavaheddjiid. Danne sáhttá dan jearrat geavaheaddji ássangielddas.

Ohcamuš galgá sáddejuvvot geavaheaddji ássángildii ja doppe sii meannudit dan ášši.  

Geavaheaddjit sáhttet ohcat buot jagi 12 mánus. Ohcan meannuduvvo 4 vahku siste. Koarta lágiduvvo dakkaviđe go ohcan lea meannuduvvon ja dohkkehuvvon.

Geavaheaddjis lea alddis ovddasvástádus dieđihit gildii go dáhpáhuvvet rievdamat main lea mearkkašupmi geavaheaddjidohkkehusa ektui.

TT-koartta sáhttá geavahit astoáigemátkkiide droššain.

Dat ii galgga geavahuvvot bargui, oahpu váldimii, doaktárii/fysioterapevtii dahje eará bálvalusaide maid álbmotoadju máksá.

TT-koarta ii gusto skuvla- dahje bargomátkkiide ge.

Man ollu dutnje devdet TT-kortii, sorjá das guđe geavaheaddjijovkui ja avádahkii don gulat. Juolludussubmi sáhttá rievdat dannego juolludeami vuođđun leat fylkagieldda jahkásaš juolludeamit. Geahča bajilgova:

Geavaheaddjiavádat 1: Geavaheaddjit geat orrot giitta 5 km lágamus čoahkkebáikkis dahje gielddaguovddážis eret. Juolluduvvo 2160 ruvnno.

Geavaheaddjiavádat 2: Geavaheaddjit geat orrot gaskal 5 ja 10 km lágamus čoahkkebáikkis dahje gielddaguovddážis eret. Juolluduvvo 2700 ruvnno.

Geavaheaddjiavádat 3: Geavaheaddjit geat orrot gaskal 10 ja 30 km lágamus čoahkkebáikkis dahje gielddaguovddážis eret. Juolluduvvo 3240 ruvnno.

Geavaheaddjiavádat 4: Geavaheaddjit geat orrot badjel 30 km km lágamus čoahkkebáikkis dahje gielddaguovddážis eret. Juolluduvvo 3780 ruvnno.

Submi mii juolluduvvo sáhttá molsašuvvat danne go jahkásaš juolludeapmi fylkkagielddas lea vuođđun dasa. 

Dan áigodagas go don leat dohkkehuvvon TT-geavaheaddjin, devdojuvvo du koarta ođđa supmiin juohke jagi dahje jahkebeali, sorjavaččat du álgoálgosaš dohkkehusas, ođđajagimánu 1. b dahje suoidnemánu 1. b.

Ođđa geavaheddjiide boahtá iešalddis TT-koarta juo juolluduvvon supmiin. Submi sorjá das guđe geavaheaddjijovkui ja avádahkii don gulat. Ii addojuvvo eanet ruhta do dan mii lea mearriduvvon.

TT-koarta lea máksinkoarta magnehtabáttiin. Koarta lea persovnnalaš ja dan sáhttá dušše eaiggát geavahit. TT-koarta gusto dan áigodaga masa don leat ožžon geavaheaddjidohkkehusa. Seamma koarta galgá geavahuvvot olles áigodaga.

Juohke jahkemolsumis gurrejuvvo koarta ja devdojuvvo fas ođđa juolluduvvon supmiin. Jus it leat geavahan dahje uhccán geavahan TT-koartta, de ii juolluduvvo uhcit supmi maŋit jagi.

Go ođasmahttojuvvon geavaheaddjidohkkehus juolluduvvo, de galggat ain geavahit boares koartta. Ođđa submi devdojuvvo iešalddis kortii.

Fuomáš ahte koarta giddejuvvo go supmi lea geavahuvvon. Dat rahppojuvvo fas maŋit juolludeamis. Koarta ii doaimma go sáhttovuoigatvuohta lea nohkan. Dutnje dieđihuvvo sáhttovuoigatvuođa nohkama birra ovddalgihtii vai lea vejolaš ohcat ođđasit. Dalle geavahat seamma ohcanskovi go ođđa ohccit.

Geavaheaddji máksá iežasoassin seamma ollu go dan maid gudnebileahtta máksá.

Lea Rogaland Taxi gii hálddaša TT-koarttaid riikka buot fylkkagielddaid ovddas. 

Dieđuid koartta sáldo birra lea vejolaš oažžut máŋgga láhkai:

• Riŋget Rogaland Taxi, tel 51 90 90 01
• Interneahttačujuhusa www.rtt.no/tt bokte. Deavdde geavaheaddjinummira rabas ruktui.
• Sádde teakstadieđu (SMS) geavaheaddjinummiriin dán telefonnummirii: 40 46 60 00. Dáppe oaččut vástádusa birrajándora.

Gielddat dohkkehit sáhttobálvalusa geavaheddjiid. Mearrádusa váidaga galgá olmmoš sáddet dan gildii mii lea meannudan ohcama.