Ulbmil ortnegiin lea doarjjut fitnodagaid geain lea dárbu loktet gelbbolašvuođa ja vejolašvuohta joatkit ovdánahttima gealboloktendoaibmabijuid čađa. 

Doarjjasupmi lea 1 250 000 ruvnnu jahkái, ja sáhttit eanemustá 150 000 ruvnnu juolludit juohkehažži. 

Gii sáhttá oažžut doarjaga?

Doarjjaruđat galget mannat fitnodaga bargiid oahpaheapmái.

Doarjagiid olahusjoavkun leat Finnmárkku smávva fitnodagat ja ovttaolbmofitnodagat.

Jus lea gilvu de vuoruhuvvojit fitnodagat mat vuoruhit digitaliserema, guoddevaš čovdosiid ja gealbuloktema "ruoná molsuma" hárrái. 

Unnit ja gaskageardán fitnodagat mat fertejit nuppástuhttit fitnodaga buvttadeami mearkkašahtti láhkai dahje gávdnat ođđa márkaniid, sáhttet ohcat doarjaga oahpahussii fitnodagas. Eaktu lea ahte doarjja váikkuha bisuhit ja nannet fitnodaga bargiid gelbbolašvuođa.

Ná ozat

Ohcan registrerejuvvo dán čujuhusa bokte: regionalforvaltning.no

Ollu go sáhttá juolluduvvot doarjjan?

Vejolaš lea addit gitta 300 000 ruvnno,–.

Doarjja galgá gokčat goluid maid oahpahus oassálastiid bálkágolut dagahit oahpahusáigodagas. Juohke oassálasti oahpahus ii galgga bistit guhkit go 26 vahku.  

Ruđat juolluduvvojit fitnodaga nuppástuhttinplána vuođul, oahpahusa mearkkašumi viidásit ovddidit fitnodaga, nuppástuhttin plána ja nákce go doaibma čađahit plána.

Doarjaga eavttut

• Dušše priváhta fitnodagaide ja ovttaolbmofitnodagaide addojuvvo doarjja.
• Oahpahusgolut galget alo dahkat unnimusat 1/3 juolludansupmis
• Doarjja bálkágoluide ii sáhte leat eanet go 2/3 juolludansupmis. Olbmot geat leat permiterejuvvon ja ožžot beaiveruđaid NAV:s, eai sáhte oažžut doarjaga bálkágoluide.
• Ii leat vejolaš addit eanet go ovtta doarjaga seamma oahpahusprošektii
• Vejolaš lea oažžut máksojuvvot oasi mii lea gitta 75 proseantta juolludansupmis go prošeakta álggahuvvo.
• Doarjja addojuvvo vuollegis doarjjan (geahča njuolggadusaid)
• Eavttut leat álot daid rámmaid siskkobealde maid lágaid ráddjehusat ja vejolašvuođat mearridit.