Davvi-Norgga fylkkagielddat leat guhká ovttasbargan oktasaš kulturáŋgiruššamiin Davvi-Norgga kulturšiehtadusa bokte. Davvi-Norgga girjjálašvuođastrategiija lea oassi kulturšiehtadusas, ja dat geahččala ovddidit bistevaš ovttasbarggu Davvi-Norgga girjjálašvuođabirrasiid ja bibliotehkaid gaskkas, ja nannet davvinorgalaš girjjálašvuođa buvttadeami ja gaskkusteami, earret eará dainnago aktiivvalaččat bargá fierpmádathuksemiin ja fidnosuorgedeaivvademiiguin.
Finnmárkku fylkkabibliotehka lea Davvi-Norgga girjjálašvuođastrategiija čállingoddi jagiid 2024 ja 2025.
Váldonjuolggadusat ohcciide
- Ruđat juhkkojuvvojit čáppagirjjálašvuođačálliide geat ásset Davvi-Norggas.
- Ohccit fertejit leat miellahtut uhcimusat ovtta girječálliorganisašuvnnas ja dasa lassin galgá uhcimusat okta girjenamahus leat ostojuvvon kulturfoandaortnega bokte.
- Ruđat galget vuosttažettiin geavahuvvot gaskkusteapmái, gárgedeapmái ja mátkkiide čállinproseassaid oktavuođas, muhto eará ohcamušat sáhttet maid árvvoštallojuvvot.
- Ohcamušrádji lea 10 000 kruvnnu juohke ohcci nammii.
- Lea vejolaš ohcat joavkun/čállinsearvevuohtan, juos okta olmmoš ohcá joavkku ovddas.
- Stipeandaoažžut galget maŋŋil raporteret masa ruđat leat geavahuvvon.
Ohcanáigemearri
Ohcanáigemearri lea guovvamánu 17. beaivvi 2025. Ohcanskovvi lea rabas guovvamánu 1.-17. beaivvi, ja don ozat fylkkagieldda skovveportála bokte.
Mana ohcanskovvái
Duogášdokumeanttat
Davvi-Norgga girjjálašvuođastrategiija 2022-2025 (PDF, 477 kB)
Davvi-Norgga kulturšiehtadus 2022-2025 (PDF, 12 MB)
Sunniva Knutsen
Fylkkabibliotehkahoavda
E-poasta: sunniva.knutsen@ffk.no
Tel: 48 20 49 98
Sámegillii ođasmahttojuvvon: 16.07.2025
Samisk versjon oppdatert: 16.07.2025