Fylkkagieldda bargostipeanda filbmabargiide galgá nannet filbmabargiid fitnolaš ovdáneami ain ovddos guvlui. Stipeanda galgá addit áiggi ja ávvosa gártadit ođđa gealbbu ja gárgedit ođđa prošeavttaid.

• Ohcci ferte leat barggolaš fitnolaš filbmabargi, gii bargá audiovisuála dáiddabargguiguin. Audiovisuála dáiddabargu oaivvilda dás fikšuvnnalaš dahje dokumentáralaš ovdanbuktima jienaid ja govaid bokte filbman dahje gurgadassan mat leat buvttaduvvon almmolaš čájálmasaid dahje gávpejoru dihtii.
• Ohccis ferte leat čuožžovaš bachelordási dahje alit dási oahppu, dahje ferte sáhttit duođaštit čuožžovaš fidnomáhtu audiovisuála suorggis.
• Ohcci ferte leat Finnmárkku fylkkas ássi ja doaibmi stipeandaáigodagas.

Stipeandda ohcanáigemearri jagi 2025-2026 ovddas lea golggotmánu 15. beaivvi 2024.

Stipeanda lea 150 000 kruvnnu.

• Stipeandda galgá atnit bargui, dása lohkkojuvvo mielde konkrehta prošeakta dahje fágalaš čiekŋun ja ahtanuššan. Stipeandda sáhttá maiddái atnit oahppo- dahje eará fágamátkkiide.
• Osiid stipeanddas sáhttá dárbbu mielde atnit oastit kámera-, redigeren- dahje eará fágabiergasiid.
• Stipeandda ii sáhte atnit ealáhusdoaimma álggaheapmái dahje doaimma ceggemii
• Stipeandda ii sáhte atnit ruhtadit lohkama masa dábálaččat sáhttá oažžut doarjaga Stáhta oahppoloatnakássas. Iige stipeandda sáhte atnit studeantaprošeavttaide (prošeavttaide mat ráhkaduvvojit oassin lohkamis).

Ohcamuš sáddejuvvo elektrovnnalaččat ohcanskovi bokte mii lea fylkkagieldda neahttasiidduin. Ohcanskovis bivdojuvvojit čuovvovaččat:

• Oktavuođadieđut
• Ohcci duogáža, čuožžovaš oahpu ja bargohárjáneami oanehis čoahkkáigeassu (100 sáni rádjai)
• Boahttevaš filbmafágalaš juksanmearit ja plánat, áinnas konkrehta prošeavttat (250 sáni rádjai)
• Stipeandda ulbmila, ealju ja fágalaš vuođuštusa oanehis válddahallan (250 sáni rádjai)
• Válddahus masa ohcci háliida geavahit stipeandaáigodaga (500 sáni rádjai), vejolaš dievasmahtti prošeaktaválddahusa sáhttá bidjat mielddusin

Mildosat ohcamuššii lástejuvvojit ohcanskovvái. Buot mildosat galget leat PDF-formáhtas. Guhtege fiilla maksimála fiilasturrodat lea 10MB.

Fuomáš ahte CV (eallingearddi, oahpu ja bargohárjáneami válddahus) ja filbmafágalaš doaimma dokumentašuvdna leat bákkolaš mildosat.

CV mii lea 3 A4-siiddu rádjai guhku, galgá lástejuvvot PDF-fiilan. CV dahká vuđđosa aktivitehtaárvvoštallamii, ja galgá sisdoallat dieđuid:

• Čuožžovaš oahpu birra
• Čuožžovaš bargomáhtu birra
• Čađahuvvon prošeavttaid ja produkšuvnnaid válljejumi birra
• Eará čuožžovaš dieđuid, nugo ovdalis vuostáváldojuvvon stipeanddaid, bálkkašumiid ja ruđalaš doarjagiid birra
• Boahttevaš aktivitehta galgá duššefal váldojuvvot mielde CVii juos dat lea duođaštuvvon.

Juos dus lea guhkes CV, de rávvet du válljet ja geassit ovdan alimusaid iežat karrieras, mas maŋimuš jagit deattuhuvvojit earenoamážit.

3 mildosa rádjai mat duođaštit doiamma filbmabargin, ja mat guovdilastet ođđaset aktivitehta ja prošeavttaid maŋimuš viđa jagis.

• Teakstadokumentašuvdna lágiduvvo PDF-fiilan, mii ii galgga leat guhkit go 5 siiddu.
• Filbmadokumentašuvdna biddjojuvvo mielddusin neahttaliŋkan (omd. Vimeo). Neattaliŋkkat galget čujuhit njuolga guoskevaš materiálii. Juos sisačállindieđut gáibiduvvojit, de ferte juohke liŋkka beassansátni dieđihuvvot. Materiála ferte leat duhkodagas uhcimustá 6 mánu maŋŋil ohcanáigemeari.

Loga stipeandda bagadallama ja njuolggadusaid dárkilit ovdalgo deavdigoađát ohcamuša.

Stipeandapanela árvvoštallá ja evttoha ohcciid sin filbmafágalaš kvaliteahta ja aktivitehta muttolaš árvvoštallama vuođul, ja maiddái stipeandaortnega gustovaš váldonjuolggadusaid mielde. Lassin deattuha gealbbu, juksanmeriid ja boahttevaš potensiála, iešlági ja ođđahutkannávccaid, ja ohcamuša lávedeami maid.

Ohcan árvvoštallojuvvo dieđuid vuođul, mat leat čállojuvvon ohcamuššii. Buot bajásčuvgehusat mat jearahuvvojit njuolggadusain, ja velá eará áššáiguoskevaš dieđut maid ohcci háliida váldit mielde árvvoštallamii, fertejit čállojuvvot ohcamuššii.

• Maŋŋil ohcanáigemeari golggotmánu 15. beaivvi ráhkkanahttá hálddahus ohcamušaid stipeandapanela gieđahallamii.
• Stipeandapanela gieđahallá ohcamušaid ja addá mearrádusevttohusa ođđajagimánus/guovvamánu.
• Gelbbolašvuođa váldolávdegoddi gieđahallá stipeandapanela mearrádusevttohusa ja dahká mearrádusa guovvamánus/njukčamánus. Fylkkagielda váldá oktavuođa stipeandavuostáváldiin maŋŋil mearrádusa.
• Stipeanda juhkkojuvvo fylkkadikki čoahkkima oktavuođas njukčamánus.
• Elektrovnnalaš mearrádusareivvet sáddejuvvojit buot ohcciide. 

Ohcci geasa juolluduvvo stipeanda, galgá sáddet fáktura fylkkagildii maŋŋilgo mearrádusreivve lea vuostáváldán.

Loga mo sáddet fáktura/buvttarehkega dáppe

• Stipeandavuostáváldi ferte addit loahpparaportta iežas filbmafágalaš barggus stipeandaáigodagas, oktan árvvoštallamiin maid stipeanda lea mearkkašan su ahtanuššamii ja doibmii.
• Raporta galgá sisdoallat aktivitehtaid oanehis čoahkkáigeasu; prošeavttaid, doaibmabijuid, fágalaš mátkkiid ja sullasaččaid maid leat čađahan stipeandaáigodagas. Namat áinnas prošeavttaid namaid, ovttasbargoorganisašuvnnaid ja –persovnnaid namaid, báikkiid gos leat fitnan ja nu ain.
• Juos plánat leat nuppástuvvan, de galgá dát čielggaduvvot
• Raporterenáigemearri lea ovdal njukčamánu loahpa jagi maŋŋilgo stipeandaáigodat lea loahppan
• Raporta galgá sáddejuvvot e-poastta mielddusin čujuhussii postmottak@ffk.no.

Bargostipeanda filbmabargiide - Fylkkaráđi 5.9.2023 mearridan váldonjuolggadusat (PDF, 650 kB)