Bargostipeanda Davvi-Norggas ássi girječálliide

Davvi-Norgga fylkkagielddat juhket guokte jahkásaš bargostipeandda mat goabbáge leat 100 000 kruvnnu. Stipeanddat galget addit Davvi-Norggas ássi girječálliide ekonomalaš doarjaga čállit čáppagirjjálašvuođa.

Almmuhuvvon 10.01.2020 08.13

Maŋemusat rievdaduvvon 15.07.2025 10.55

Davvi-Norgga girjjálašvuođa strategiija deattuha ahte kvaliteahttagirjjálašvuođa buvttadeapmi galggašii lassánit Davvi-Norggas. Dálááiggegirjjálašvuođas lea deaŧalaš mearkkašupmi dasa makkárin riikkaoassi neaktá ja movt oaidná iežas. Buorre čáppagirjjálašvuohta duddjo rámisvuođa, gullevašvuođa ja fuopmášumi riikkaoassái.

Girjjálašvuođastrategiija lea oassi Davvi-Norgga kulturšiehtadusas, ja dan hálddašit Nordlándda, Romssa ja Finnmárkku fylkkabibliotehkat.

Stipeanddaid birra

Nubbi stipeandda juolluduvvo girječállái gean ulbmiljoavku leat rávesolbmot, nubbi juolluduvvo ovddemustá girječállái gean ulbmiljoavku leat mánát ja nuorat. Vejolaš lea buktit ovtta ohcamuša goappáge ulbmiljoavkku várás, muhto ovtta ja seamma olbmui eai sáhte juolluduvvot goappašat stipeanddat.

Geat sáhttet ohcat?

Girječálli ferte ássat Davvi-Norggas.
Girječálli ferte leat sisa ostojuvvon Norgga kulturráđi bokte dahje ferte leat girječálliorganisašuvnna miellahttu.
Čálus mii čállojuvvo ferte leat čáppagirjjálaš teaksta.
Girječállit geaidda lea juolluduvvon bargostipeanda, fertejit vuordit jagi ovdalgo fas sáhttet ođđasis ohcat.

Ohcanáigemearri

Ohcanáigemearri lea njukčamánu 15. beaivvi 2025.

Ohcanskovvi lea rabas ođđajagimánu 1. beaivvi rájes njukčamánu 15. beaivvi rádjai.

Mana ohcanskovvái

Gáibádusat ohcamuššii

Ohcamuš galgá sisdoallat 15 siidosaš almmutkeahtes teakstabihtá ja dieđuid prošeavtta hárrái masa teakstabihttá gullá.
Ohcci ferte válddahit iežas girjjálaš duogáža ja movt stipeanda galgá geavahuvvot.
Ohcci galgá geavahit elektrovnnalaš ohcanskovi.
Mildosiid galgá viežžat PDF:n.

Dubmengoddi

Jagi 2025 dubmengottis leat Ingvild Solstad-Nøis, riikkaoasis ássi girječállii, Marit Edvardsen, riikkaoasi álbmotbibliotehkaid ovddasteaddji ja Anders Totland, girječálli gii ii ása riikkaoasis. 