BarentsKult lea Barentsčállingotti prográmma fitnomáhtolaš dáidda- ja kulturoassádalliide geat háliidit ovttasbargat eará fágaguimmiiguin Ruoŧa ja Suoma davviguovlluin.
Prográmma galgá ovddidit ja ruhtadit prošeavttaid dáidda- ja kultursuorggi siskkobealde, vuosttažettiin nu ahte oassálastit bohtet Norgga, Ruoŧa ja Suoma osiin Barentsguovllus ja olles Sámis.
BarentsKult:a ruhtadeaddjit leat Gielda- ja guovlodepartemeanta, Kulturdepartemeanta ja Nordlándda, Romssa ja Finnmárkku fylkkagielddat.
Loga lasi BarentsKult doarjjaortnega birra
Gii sáhttá ohcat?
Don gii ozat galggat ássat ja bargat Davvi-Norggas dahje Lulli-Sámis, ja dus ferte leat ovttasbargoguoibmi Davvi-Ruoŧas, Davvi-Suomas dahje goappašat riikkain. Dasa lassin sáhttet dus leat mielde ovttasbargoguoimmit muđui Norggas.
Juos dus lea áššáiguoskevaš prošeakta, de sáhttá bargoguoibmi maiddái leat muđui Davviriikkain (Fearsulluin, Islánddas ja Ruonáeatnamis), dahje Kanáda ja USA árktalaš guovlluin.
Makkár prošeavttat sáhttet oažžut doarjaga?
Prošeakta galgá sisdoallat ovttasbarggu fidnomáhtolaš Davvi-Norgga dáidda- ja kulturoassádalliid (dahjege fidnomáhtolaš Mátta-Sámi oassádalliid) ja Suoma ja/dahje Ruoŧa beali Barentsguovllu fidnomáhtolaš oassádalliid gaskkas.
Juos galget oažžut doarjaga, de fertejit Norgga ja olgoriikkalaš dáiddárat ovttas hábmet juoidá ođđasa prošeavtta bokte; ovdamearkka dihte ođđa teáhter- dahje dánsačájálmasa, ođđa musihka, oktasaš dáiddačájáhusa dahje eará kulturalbmanahttimiid.
Movt ozat?
Ohcamuša sáddet Barentsčállingotti ohcamušportálii. Váldde áinnas oktavuođa Barentsčállingottiin ja ovdanbuvtte prošeaktajurdagiiddát ovdalgo sáddet ohcamuša sisa.
Goas sáhtát ohcat?
BarentsKult-prográmmas leat guokte ohcanáigemeari juohke jagi, nubbi giđđat ja nubbi čakčat. Áigemearit leat njukčamánu 1. beaivve ja golggotmánu 1. beaivve.
Gulahallanolmmoš Barentsčállingottis
Juos dus leat jearaldagat BarentsKult-prográmma hárrái, váldde oktavuođa kulturráđđeaddiin Margrethe Alnes e-poasttas margrethe@barents.no dahje telefovnnas 995 83 060.
Heikki Knutsen
Juogusjođiheaddji, dáidda- ja kulturovdánahttin
E-poasta: heikki.knutsen@ffk.no
Tel: 78 96 30 03 / 93 25 30 77
Sámegillii ođasmahttojuvvon: 15.07.2025
Samisk versjon oppdatert: 15.07.2025