NORA ruhtada prošeavttaid guovllus masa gullet Fearasullot, Ruonáeana, Islánda ja Norgga riddofylkkat. Vaikke vel leat ge stuorra gaskkat, de leat NORA-riikkain dattetge ollu oktasaš mihtilmasvuođat, oktasaš hástalusat ja historjjálaš, ásahuslaš ja kultuvrralaš čatnaseamit. Dasa lassin lea NORA-riikkain strategalaččat dehálaš sajádat sisabeassanportálan Árktisii.

NORA doaimmat juhkkojuvvojit golbma oassái:

1. Prošeaktadoarjja NORA mii ohcamušprosedyraid maŋŋel doarju ovttasbargoprošeavttaid gaskal Davvi-Atlánta ja Árktisa oassádalliid.
2. Agenda NORA vuolggaha iešguđet vugiin ovdamearka dihte NORA prošeaktadoaimmaid guoskevaš fáttáid ja maiddái komitéaid iežaset fáttáid Davvi-Atlántta ja Árktisa politihkalaš agendai.
3. Lihttohuksen NORA ohcá ovttasbarggu ja synergiija eará oassádalliiguin ja organisašuvnnaiguin geat leat doaibmevaččat davviatlántalaš guovllus, ja nu nannet oktasaš rahčamušaid.

NORA-strategiija 2021-2024

NORA lea unna organisašuvdna mas lea stuorra fátmmastanguovlu. Dán áigodaga NORA bargá nannet ovttasbarggu guovlluin mat leat dehálačča guvllolaš ovdáneapmái. NORA áigo dán áigodaga bargat dáid njeallje váldoulbmilin:

1. Váikkuhit guvllolaš dábálaš ovdáneapmái
2. Váikkuhit vai guvllolaš ekonomiija diversifiserejuvvo ođđa ja innovatiivva čovdosiiguin.
3. Váikkuhit ruoná, gilvovuoimmálaš ja sosiálalaš guoddevaš ovdáneapmái Davvi-Atlánteris vuoruhuvvon áŋgiruššansurggiide.
4. Nannet ovttasbarggu Davviriikka oarjeguovllu kránnjáiguin, erenomážit Skottlándda.

NORA:s lea prošeaktaruhtadanortnet ja vuoruha ohcamiid čuovvovaš surggiin:

1. Bioekonomiija
2. Guoddevaš turisma
3. Gierdogeavaekonomiija
4. Fievrrideapmi
5. Energiija
6. Báikegoddi

Logat eanet NORA-strategiija ja vuoruhuvvon áŋgiruššanguovlluid prošeaktaruohtadeapmi strategiijadokumeantta 2021-2024: NORA-strategiija 2021-2024 (PDF)

Sámegillii ođasmahttojuvvon: 24.07.2025
Samisk versjon oppdatert: 24.07.2025