Interreg Aurora

Interreg Aurora prográmma lea oassin Eurohpa rájáidrasttideaddji ovttasbarggu Interreg-ovttastusas 2021-2027. Prográmma addá buriid vejolašvuođaid ođđa ja gelddolaš ovttasbargui rádjaguovlluin gaskal Ruoŧa, Suoma, Norgga ja Sámi.

Almmuhuvvon 07.02.2020 13.26

Maŋemusat rievdaduvvon 28.08.2025 09.42

Guovllut Norggas

Guovllut Norggas maidda Aurora prográmma guoská leat Nordlánda, Romsa, Finnmárku, ja oasseguovlu Sápmi. Dát maŋimuš guoská maiddái Trøndelága ja Elgå orohagaide Innlandet fylkkas.

Prográmma birra

Intereg Aurora-prográmma bajimus ulbmil lea váikkuhit ovttasbargui riikkarájáid rastá, ja nu nannet prográmmasuorggi gilvalannávccaid, ceavzilvuođa ja geasuheami sosiála searvadahttima, digitaliserema ja ruoná nuppástusa bokte.

Prográmmasuorgi gokčá árbevirolaš sámi guovlluid, mii mearkkaša ahte prográmma lea deaŧalaš resursa go galgá áimmahuššat ja ovddidit sámi kultuvrra, árbedieđu, ealáhusaid ja earenoamážit sámegielaid.

Prográmma doarju ovttasbargoprošeavttaid čuovvovaš surggiin

1. Jierbmás ja ceavzilis ovdáneapmi

Jierbmás spesialiseren, dutkan ja innovašuvdna
Buoret gilvalannávccat SMB:ii

2. Ruoná ja bistevaš nuppástuhttin

Dálkkádatrievdamiidda heiveheapmi
Luonddugáhtten ja biologalaš šláddjivuohta
Guoddevaš mobilitehta

3. Oahppu, kultuvra ja ceavzilis mátkeealáhusat

Oahppu ja eallinagi oahppu
Kultuvra ja ceavzilis mátkeealáhusat

4. Buoret ja ceavzileappo rádjerasttideaddji ovttasbargu

Kapasitehta huksen riikkarájáid rastá

Interreg Aurora-prográmmas 2021-2027 lea dehálaš doaibma go galgá čatnat EU Green Deal-strategiija našunála plánaide, regionála ja báikkálaš ovddidanplánaide Davvi-Ruoŧas, Davvi-Suomas, Davvi-Norggas ja Sámis. Interreg Aurora-prográmmas leat maiddái máŋga vejolaš ovttasbargosuorggi maid sáhttá čatnat EU makroregiovnnalaš strategiijai Nuorta-ábi várás (EUSBSR) ja EU Arktálaš ovttastuvvon strategiijai.

Prográmmas leat čieža fokussuorggi main lea vejolašvuohta ráhkadit synergiijaid jierbmás spesialiserenstrategiijain. Go bargá jierpmálaš spesialiseremiin, de huksejuvvo nannoseabbo ealáhuseallin regiovnnaid luonddu ovdamuniid vuođul. Lea maid eaktun ahte prošeavttain lea čielga rádjerasttildeaddji lasseárvu.

Ovttasbargoguovllut riikkarájáid rastá

Oasseguovlu Aurora

Suopma: Lappland, Norra Österbotten, Mellersta Österbotten, Österbotten, Södra Österbotten
Ruoŧŧa: Norrbotten, Västerbotten, Västernorrland
Norga: Nordlánda, Romsa, Finnmárku

Oasseguovlu Sápmi

Suopma: Lappland, Norra Österbotten ja Mellersta Österbotten
Ruoŧŧa: Norrbotten, Västerbotten, Västernorrland ja Jämtland, ja vel Sis-Sámečearru Dalarnas
Norga: Romsa, Finnmárku, Nordlánda ja Trøndelág, ja muhtun osiin Innlandet fylkkas (Elgå orohat).

Gii sáhttá ohcat doarjaga?

Almmolaš eiseválddit buot dásiin
Almmolaš lágaid vuollásaš ásahusat, nugo ovdamearkka dihte ovdánahttinfitnodagat, universitehtat, allaskuvllat, skuvllat, dutkaninstituhtat, teknologiija guovddážat (maiddái čoahkit ja inkubatorat), almmolaččat oamastuvvon fitnodagat ja almmolaš eiseválddiid organisašuvnnat.
Gávppálaš ja ii-gávppálaš organisašuvnnat (NGO)
Fitnodagat

Ruhtadeapmi 2021-2027

EU (ERDF): € 93 800 000
Norgga Interreg-ruđat: € 8 400 000

Prosjektpartnere fra EU kan søke om inntil 65 % støtte og norske partnere kan søke om inntil 50 % støtte fra Interreg Aurora. Norsk budsjett fastsettes i de årlige statsbudsjett vedtatt av Stortinget. Det tas forbehold om eventuelle endringer.

EU prošeaktamielbargit sáhttet ohcat gitta 65% doarjaga ja Norgga beale oasálaččat sáhttet ohcat gitta 50% doarjaga Interreg Auroras. Norgga bušeahtta mearriduvvo jahkásaš stáhtabušeahtain maid Stuoradiggi mearrida. Mii eaktudit ahte sáhttet šaddat rievdádusat.

Dás gávnnat eambbo dieđuid Interreg Aurora hárrái

Oppfølging av allerede innvilgende tilsagn, som anmodning om utbetalinger, skjer som før gjennom regionalforvaltning.no.