Norgga Barentsčállingotti eaiggáduššet guokte davimus fylkkagieldda, Nordlánda ja Romsa ja Finnmárku. Juohke jagi juohká Norgga Barentsčállingoddi doarjaga gaskal 200 ja 300 ovttasbargoprošektii Barentsguovllus.
Barentsčállingoddi oažžut stuorámus oasi iežas ruhtadeamis olgoriikadepartemeantta 25 miljon ruvdnosaš jahkásaš juolludemiin, maid ruđat leat merkejuvvon Norgga-Ruošša ovttasbargoprošeavttaide.
Prošeavttat fátmmastit viiddes servodatsurggiid nu go kultuvrra, valáštallama, oahpu, birrasa, siviila servodaga, álgoálbmogiid ja ealáhuseallima.
Ortnega ulbmiljoavkun leat Barentsguovllu Norgga ja Ruošša doaimmaheaddjit. Loga eanet doarjjaortnegiid ohcansáddema áigemeriid birra Barentsčállingotti neahttasiidduin
Go dus lea buorre prošeaktajurdda ja Ruošša ovttasbargoguoibmi, de lea stuorra vejolašvuođat oažžut ruđaid Barentsčállingottis.
Go áiggut ohcat doarjaga dábálaš Barents ruđain, de dus lea stuorámus vejolašvuohta oažžut ruđaid jus prošeakta gullá Barentsčállingotti áŋgiruššansurggiide:
- Kultuvra/Valáštallan
- Gelbbolašvuohta/Oahppu
- Ealáhus/Fidnohutkan
- Mediat/Diehtojuohkin
- Siviila servodat/Biras
Loga eanet prošeaktadoarjaga, prošeaktahábmengáibádusaid ja ohcanáigemeriid birra Barentsčállingotti neahttasiidduin prošeaktaruhtadeami birra
Barents regionála nuoraidprográmma lea multilaterála ruhtadanprográmma Barentsguovllu nuoraidprošeavttaid várás.
Áigumuššan lea lasihit rádjarasttideaddji nuoraidovttasbarggu buot surggiin, ja dasa lassin vel ovddidit dakkár gálggaid ja gelbbolašvuođa mat dagahit árjjalaš borgárvuođa. Ulbmiljoavkun lea Barentsguovllu 15-30 jahkásaš nuorat.
Loga eanet prográmma birra Barentsčállingotti neahttasiiddus mii lea Barents regionála nuoraidprográmma várás ja Barents Youth neahttasiidduin.
BarentsKult-prográmma addá doarjaga ovttasbargui gaskal Barentsguovllu Norgga ja Ruošša fitnolaš dáidda- ja kulturdoaimmaheddjiid.
Loga eanet dás