Maid lea vejolaš ohcat?
Vejolaš lea ohcat loana guolástusfatnasa rabas ja gitta joavkkus vuosttaš háválaš investeremii. Ii leat miige ahkegáibádusaid guolástusa ođđa álggaheami loana váldimii.
Dat mearkkaša ahte guolásteaddjit geat eaiggáduššet fatnasa mii gullá rabas jovkui odne, muhto geat háliidit álggahit guolásteami fatnasiin mii gullá gitta jovkui, maiddái adnojuvvojit guolástusfitnu easkka álggaheaddjin.
Dasa lassin sáhttá fállojuvvot loatna ásahuvvon guolásteddjiide geat leat 35 jagi dahje dan nuorabut guolástusfatnasa lonuhit ja investeret eriid oastimii.
Gáibádusat ja eavttut ohcciide ja investerenobjektii
Ohcci galgá leat Finnmárkku ássi ja vearromáksi, ja galgá leat registrerejuvvon guolásteddjiid logahallamii, b bláđđái. Ohcci galgá eaiggáduššat unnimusat 67 proseantta fatnasis/fitnodagas. Ohcci galgá álgovuolggalaččat buktit olles sállaša gáddái Finnmárkui. Spiehkastaga dán njuolggadusas lea vejolaš dohkkehit go sus leat vuoigatvuođat bivdit dakkár guollešlájaid maid bivdu eanaš dáhpáhuvvá fylkka olggobealde, dahje go ii leat vejolašvuohta buktit gáddái ja vuovdit daid šlájaid fylkkas. Loatna rekrutterenfoanddas galgá leat oassi stuorát olles ruhtadanplánas.
Loga guolásteddjiid rekruterenfoandda njuolggadusaid dás
Ruhtadanrámmat
Vejolaš lea ohcat loana mii lea eanemusat 20 proseantta fanas- ja earreinvesteremis, eanemusat ráddjejuvvon 1.000.000 ruvdnui.
Loneneavttut
- Loatna addojuvvo ráidoloatnan kvartálalaš máksimiiguin. Vuosttaš jagi eai galgga máksojuvvot reanttut eai ge máksimat.
- Reantu galgá leat ovtta proseantta eanet go Norgga Báŋkku stivrenreantu lea.
- Loatnaáigi lea oktiibuot 12 jagi rádjai (ja das lea mielde jagi reanto- ja máksinfriddjavuohta).
- Loatna sihkkarastojuvvo investerenobjeavtta háhkanáđa pánttain, prioritehtain eará ruhtadangálduid maŋábealde. Dasa lassin galget fitnodaga eará árvvut váldojuvvot pántan.
Mo galggat ohcat?
Elektrovnnalaš ohcanskovvi
Ohcan manná Innovasjon Norge Arktis:i áššeráhkkanahttimii. Fylkkaráđđi meannuda ohcamiid. Fylkkaráđis leat jámma čoahkkimat jagi miehtá, main áššit meannuduvvojit.
Ohcanáigemearit ja čoahkkinbeaivvit jagi 2021