Valáštallanstipeanda

Finnmárkku fylkkagielda juohká juohke jagi valáštallanstipeanddaid 16-25 jahkásaš nuorra valáštalliide Finnmárkkus, dahje nuoraide geain lea eará gullevašvuohta fylkii.

Almmuhuvvon 19.10.2020 15.27
Maŋemusat rievdaduvvon 10.09.2025 09.16

Valáštallanstipeanda galgá leat mielde addimin nuorat valáštalliide movtta ja vejolašvuođa áŋgiruššat ovddos guvlui ja persovnnalaččat ovdánit valáštallamisttiset.

Stipeanda lea persovnnalaš. Ohcamušas lea vuogas čujuhit bohtosiidda maid leat olahan valáštallamis ja makkár ambišuvnnat dus leat áŋgiruššamiinnát.

Vuollel 18 jahkásaš ohcciin gáibiduvvo duođaštus fuolaheaddjis jus ohcamuš galgá meannuduvvot. Fuolaheaddjit ožžot automáhtalaččat dieđáhusa miehtat ohcamuššii go don leat sádden ohcamuša.

Juolludeapmi

  1. Gelbbolašvuođa váldolávdegoddi mearrida gii galgá stipeandda oažžut. Stipeanda juhkkojuvvo ohcamušaid vuođul mat leat boahtán sisa. Stipeanda juhkkojuvvo fylkkadikki maŋimuš čoahkkimis juovlamánus 2024.
  2. Juogadeamis galgá deattuhuvvot govttolaš leavvan iešguđet valáštallansurggiide.
  3. Valáštallit sáhttet dušše oktii oažžut stipeandda.
  4. Vejolašvuohta ohcat stipeandda galgá almmuhuvvot dohkálaš vuogi mielde. Almmuheapmi ja áigemearri galget mearriduvvot seamma áigái juohke jagi.

Eavttut

  1. Evttohasat galget leat 16-25 jahkásaččat guoskevaš valáštallama gilvvohallanjagis, ja leat miellahtut valáštallanjoavkkus/báhčinjoavkkus Finnmárkku valáštallanbiirres dahje báhčinjoavkkus Finnmárkkus.
  2. Áigemearri ohcat valáštallanstipeandda lea čakčamánu 15. beaivi. Ohcat galgá fylkkagieldda ohcanportála elektrovnnalaš ohcanskovi bokte. Ohcamušas galgá maŋimuš jagi bohtosiid/olahusaid válddahit. Valáštallit geat sáhttet čujuhit beassan buoremusaid searvái riikkaviidosaš ja riikkaidgaskasaš gilvvohallamiin vuoruhuvvojit
  3. Juolludeami árvvoštaladettiin ii galgga eará sisaboađuin dahjege eará almmolaš doarjagiin adnojuvvot deasta.
  4. Valáštallanstipeandda juohkin lea vuođđuduvvon ohcamušaid kvaliteahta árvvoštallamii.

Raporteren

Ii gáibiduvvo sierra raporteren máksojuvvon stipeandda ovddas, muhto mii ávžžuhit stipeandaoažžuid dieđihit Finnmárkku fylkkagildii movt sii ovdánit ja birgejit valáštallamis.

Sádde ohcamušat

Áigemearri ohcat valáštallanstipeandda lea golggotmánu 31. b 2025.

Sádde ohcamušat

Gulahallanolmmoš

Ida Maria Kristiansen

Ráđđeaddi 

E-poasta: ida.m.kristiansen@ffk.no

Tel: 78 96 30 65
 

Sámegillii ođasmahttojuvvon: 18.07.2025

Samisk versjon oppdatert: 18.07.2025