Ohcanáigemearri
Njukčamánu 2. beaivi 2025
Ohcamuš devdojuvvo digitálalaččat dáppe: skjema.ffk.no (skovvi gohčoduvvo " søknad for tilskudd til etablering og videreutvikling av friskliv-, lærings- og mestringstilbud"(doarjjaohcamuš dearvvašeallin-, oahppan- ja birgehallanfálaldagaid álggaheapmái ja viidáseappot gárgedeapmái).
Doarjjaortnega ulbmil
Doarjjaortnet galgá arvvosmahttit gárgedit gielddalaš dearvvašvuođa- ja fuolahusbálvalusaid mat duohtandahket ulbmiliid ovddidit rumašlaš ja silolaš dearvvašvuođa, eastadit buozalmasvuođaid, veahkehit birget buozalmasvuođain ja buoridit dearvvašvuođa- ja fuolahussuorggi ollislaš áŋgiruššama veahkkeváriid geavaheami.
Gielddaid barggu ulbmiljoavkkut
Olbmot geain lea stuorát riska oažžut dahje geain leat máŋggadáfot dearvvašvuođaváttisvuođat ja guhkálmas dávddat ja geat dárbbašit veahki rievdadit eallinvieruid ja birgehallat dávddaiguin ja gillámušaiguin.
Barggu vuolggasadji galgá leat oassálastiid bálvalusdárbu eallingearddi perspektiivvas ja galgá vuođđuduvvot aktiivvalaš ovttasdoaibmamii geavaheaddjiorganisašuvnnaiguin, dahje eaktodáhtolaš ja ideála organisašuvnnaiguin ja priváhta aktevrraiguin.
Ohcamušas galgá boahtit ovdan movt geavaheaddjit galget leat mielde plánemin ja doaimmaheamen barggu. Dásseárvobargu galgá maiddái deattuhuvvot.
Doarjjaortnega dievaslaš njuolggadusčálus
Njuolggadusčálus ja dievaslaš almmuhusteaksta lea gávdnamis Dearvvašvuođadirektoráhta neahttasiidduin.
Mii muittuhit ahte juolludaneavttuid ferte lohkat ovdalgo ohcamuša sádde.
Váidalusgieđahallama njuolggadusat
Doarjaga juohkin/ hilgun dán ortnega vuolde ii leat eaŋkilmearrádus. Hálddahuslága § 28 mielde ii leat váidalanvuoigatvuohta.
Vuostáváldojuvvon doarjaga raporteren
Gielddat mat vuostáváldet doarjaga jagi 2025 galget sáddet raportta Finnmárkku fylkkagildii ovdal cuoŋománu 1. beaivvi 2026. Sii geat ožžo doarjaga jagi 2024, galget sáddet raportta Finnmárkku fylkkagildii ovdal cuoŋománu 1. beaivvi 2025. Dárkilet dieđut raporterema birra sáddejuvvojit oktan doarjjajuolludemiin.
Gielddadirektevra dahje son geasa gielddadirektevra lea addán fápmudusa galgá dohkkehit ohcamuša. Prošeakta masa ohccojuvvo doarjja galgá leat ovddiduvvon gielddastivrii/ gielddaidgaskasaš ovttasbargoorgánii, ovttasbargi bálvalusaid stivrii/ovddasvástideaddji jođihangoddái mearrideapmái. Ohcamuša mielddusin galgá leat dokumentašuvdna stivrenorgána meannudeami ja ohcamuša čanastumi birra.
Eline Trasti Schanche
Ráđđeaddi álbmotdearvvašvuohta
E-poasta: eline.schanche@ffk.no
Tel: 78 96 30 42
Sámegillii ođasmahttojuvvon: 04.08.2025 | Samisk versjon oppdatert: 04.08.2025