Doarjja Finnmárkku valáštallanbiirii

Fylkkagielda addá bissovaš doarjaga valáštallanulbmiliidda Finnmárkku valáštallanbiirii, mii vuođđodoarjaga veagas dahká valáštallanbiirre lágas mearriduvvon bargamušaid ja áššiid mat gusket valáštallama oktasaš beroštumiide, doaimmaha valáštallanpolitihkalaš áŋgiruššansurggiiguin nannen dihtii valáštallama rolla ja rápmaeavttuid, doaimmaha bálvalus- ja doarjjadahkamušaid valáštallanráđiid, sierrabiirriid ja valáštallanservviid dihtii.

Doarjja Sámi Valáštallan Lihttui

Addojuvvo maiddái doarjja Sámi Valáštallan Lihttui man ulbmilin lea bisuhit ja viidáseappot ovddidit earenoamáš sámi valáštallanbuđaldemiid mat leat organiserejuvvon golmma gullevaš sierralihtu vuollai: Čuoigama, viehkama, njoarosteami sierralihttu (SVN), Heargevuodjima sierralihttu (SHL) ja Spábbačiekčama sierralihttu (FA Sápmi). Váldoulbmiljoavku lea 6-19 jahkásaš mánát ja nuorat.

Doarjja Barents Sports Committee Norway:i

Barents Sports Committee Norway (Norgga Barents valáštallankomitea) oažžu doarjaga valáštallanulbmiliidda Barentsguovllus Norgga, Ruoŧa, Suoma ja Ruošša valáštallanorganisašuvnnaid ovttasbargoprošeavtta bokte nuoraid várás geat leat 15-25 jahkásaččat. Dál lea Ruošša eret bijahallan ovttasbarggus. Juksanmearri lea lonohallet lasi valáštalliid, hárjeheddjiid ja jođiheddjiid nu ahte vásihusat, gealbbut ja gálggat juogaduvvojit riikkarájiid rastá. Barents Winter Games (dálvegilvvut) ja Barents Summer Games (geassegilvvut) lágiduvvojit juohke nuppi jagi ja jagi 2017 bođii jođiheaddjiprográmma áigálii: Young Leaders in Barents, YLiB (Barents nuorra jođiheaddjit).

Sámegillii ođasmahttojuvvon: 13.05.2025

Samisk versjon oppdatert: 13.05.2025