Olgunastinjahki 2025

2025 lea olgunastinjahki. Dát lea riikkaviidosaš čalmmusteapmi mii dollojuvvo juohke logát jagi gidden dihtii fuopmášumi dasa movt mii sáhttit ovddidit ja lasihit oassálastima olgunastineallinbuđaldemiide, fátmmastit eambbosiid ja bargat dan badjelii ahte dat buvttihivččii bistevaš searvadahttima.

Mii lea olgunastinjahki?

Olgunastinjahki 2025 galgá movttiidahttit min buohkaid áicat ja liikot lagastuvraseamet, geahččalit ođđa olgunastinbuđaldemiid lassin árbevirolaš buđaldemiide ja earenoamážit bovdet earáid olggos.

Mii háliidit bohciidahttit jierisvuođa, máhttima ja ilu luondduaddjás olgunastineallima dihtii mii váldá vuhtii sihke luonddu- ja olgunastineallinárvvuid dáláš ja boahttevaš sohkabuolvvaide. Mii áigut vuolidit šielmmáid ja eastagiid maid duohkai oassi veahkadagas vásihit caggojuvvot go áiggošedje searvat. Organisašuvnnat ja báikkálaš joavkkut mat fállet buđaldemiid galget loktejuvvot oidnosii ja leat buohkaide olámuttos ja gávdnan láhkai.

Olgunastinjahki Finnmárkkus

Finnmárku lea stuorra ja máŋggabealat fylka gos leat rikkis olgunastinárbevierut, earenoamážit omardeami, guolásteami, bivddu ja riddokultuvrra dáfus. Finnmárkku fylkkagielda áigu ovttasbarggu ja vuorroságastallama bokte earret eará Finnmárkku olgunastinráđiin, Luonddu ja olgunastineallima forumiin, ja Finnmárkku gielddaiguin čađahit olgunastindoaibmabijuid jagi 2025 mielde, ja juogadit áššáiguoskevaš dieđuid riikkagottálaš áŋggirdemiid ja reaidduid olgunastima birra.

Loga lasi neahttasiiddus friluftslivetsar.no

Dás gávnnat doaibmagihppaga mánáide sámegillii

Sámegillii ođasmahttojuvvon: 19.08.2025

Samisk versjon oppdatert: 19.08.2025