Gielddaid álbmotdearvvašvuođabarggu prográmma 2017-2027 galgá veahkehit gielddaid guhkesáigásaš ja vuogádatlaš álbmotdearvvašvuođabarggu nannet, gč. dearvvašvuođalága.

Finnmárkku álbmotdearvvašvuođaprográmma váldojuksanmearri: «Prográmmaáigodagas 2018-2027 galget Finnmárkku mánát ja nuorat oažžut buoret eallinárvvu ja mánáid ja nuoraid psyhkalaš dearvvašvuođaváttisvuođat galget geahpeduvvot».

Prográmma Finnmárkku gielddaid álbmotdearvvašvuođabarggu várás 2018-2024

Finnmárkku doaibmabidjogárgedeami bajitdási ulbmilat (PDF, 318 kB)

Loga gielddaid álbmotdearvvašvuođabarggu prográmma birra neahttasiiddus helsedirektoratet.no

Loga lasi Finnmárkku prográmma ja doaibmabijuid birra neahttasiiddus forebygging.no

Fylkkagielda hálddaša doarjjaortnega Dearvvašvuođadirektoráhta ovddas. Dearvvašeallin-, oahppan- ja birgehallanfálaldagat leat oassi gieldda dearvvašvuođabálvalusas. Ulbmil lea ovddidit dearvvašvuođa ja eastadit buozalmasvuođaid dainna lágiin ahte árrat fállojuvvo veahkki rievdadit eallinvieruid ja birgehallat dearvvašvuođahástalusaiguin.

Bálvalusaid sáhttá organiseret dearvvašeallinguovddážis. Dearvvašeallinguovddáš galgá veahkehit geahpedit buozalmasvuođanoađi ja addit oktilaš dearvvašvuođabálvalusaid, ja leat gieldda ovttasbargoguoibmi álbmotdearvvašvuođabargguin.

Loga lasi doarjjaortnega hárrái fylkkagieldda ruovttusiidduin

Loga lasi doarjjaortnega hárrái neahttasiiddus Helsedirektoratet.no

Doarjjaortnega dievaslaš njuolggadusčállosiid gávnnat neahttasiiddus Helsedirektoratet.no

Loga lasi Dearvvašeallinguovddážiid hárrái neahttasiiddus Helsedirektoratet.no

Guollebánccardeapmi lea riikkaviidosaš  biebmodoalloprográmma man ulbmil lea lasihit mánáid ja nuoraid mearrabiebmogeavahusa.

Finnmárkku fylkkagielda fállá Guollebánccardankurssa mánáidgárddiid ja skuvlaastoáiggeortnega (SAO) bargiide, ja maiddái J2 mánáid- ja nuoraidbargiidoahpu (MNB) ohppiide, oassin guovlluguovdasaš álbmotdearvvašvuođabarggus.

Loga lasi Guollebánccardeami birra neahttasiiddus fiskesprell.no 

Gievra ja bissul lea vuoras olbmuid áhpásmahttin- ja dássádallanhárjehallanvuohki eastadan dihtii lápmašuvvamis gahččamiid geažil. Muhtin gielddat leat oahpahan bagadalliid ja fállet joavkohárjehallama. Mii bivdit gielddaid mat beroštivčče dán doaibmabijus váldit oktavuođa Finnmárkku fylkkagielddain. 

Loga lasi Gievra ja bissul birra.