Bargostipeanda: Finnmárkku filbmabargit

Ođđa stipeandajuohkin lea 2020:s.

Finnmárkku filbmabargiid bargostipeandda njuolggadusat

Ulbmil

Bargostipeanda ulbmil lea guovtti jagis nannet guokte filbmabargi filbmadáiddu. Vuosttaš stipeanda addojuvvo sutnje gii lea buvttadan filmma, ja nubbi fas nuorra olbmui gii áiddo lea álgán ráhkadit filmmaid.

Bargostipeanda

Bargostipeanda lea 75.000,- ruvnno mii máksojuvvo jahkásaččat guokte jagi. Bargostipeanda máksojuvvo guktii jagis, vuosttaš ja nuppi jahkebealis.

Gáibádusat

Filbmabargi galgá ollašuhttit čuovvovaš oppalaš ja earenoamáš gáibádusaid:

Oppalaš gáibádusat

  • Filbmabargi galgá leat ássan ja doaibman Finnmárkku fylkkas uhcimusat guokte maŋimuš jagi ovdal go stipeanda juolluduvvo. Guovtti jagi doaibmaáiggi gáibádusas sáhttá spiehkastuvvot jus ohcci lea nuorra áidoálgán filbmabargi.
  • Filbmabargit geat leat ássan Finnmárkkus, muhto háliidit álggahit doaimma fylkkas, sáhttet maid ohcat bargostipeandda.
  • Filbmabargit geat leat ožžon Stáhta dáhkádusdietnasa eai oaččo bargostipeandda.
  • Filbmabargit geat ožžot fylkkagieldda bargostipeandda ja muhtun áiggi vel Stáhta dáhkádusdietnasa, masset fylkkagieldda bargostipeandda. Dat fállojuvvo de ođđa dáiddáriidda.
  • Jus filbmabargi heaitá dahje fárre eret fylkkas ovdalgo stipeandaáigodat nohká, de galgá stipeanda máksojuvvot ruovttoluotta máksomeari mielde mii jahkebealis dahká 25 proseantta.

Earenoamáš gáibádusat

  • Filbmabargi galgá sáhttit duođaštit iežas filbmabuvttadeami fágasuorggis.
  • Dievaslaš CV galgá duođaštuvvot.
  • Filbmabargi galgá addit oanehis čilgehusa masa stipeanda galgá geavahuvvot, earenoamáš go guoská dáiddalaš ovdáneapmái.

Juolludeapmi

Kultuvrra ja johtalusa váldolávdegoddi (KJVL) juolluda bargostipeandda. Lávdegoddi galgá nammaduvvot mii galgá addit neavvagiid árvalusa oktavuođas, ja das leat mielde:

  • Áirras maid Norgga filbmasearvvi Davvi-Norgga ossodat nammada
  • Áirras maid Norgga TV- ja filbmabuvttadeddjiid searvi nammada
  • Áirras maid Sámi filbmasearvi nammada

Sadjásaš kultur- ja birashoavda doaibmá lávdegoddečállin.

Ohcan

Ođđa stipeandajuohkin lea 2019:s. Ohcanáigemearri lei golggotmánu 10. b. 2018.

Elektrovnnalaš ohcanskovvi galgá geavahuvvot.

Rapporteren

Stipeandavuostáiváldi ferte addit čálalaš raportta maid bargostipeandda mearkkaša su ovdáneapmái ja doibmii guovttejagiáigodaga maŋemus jahkebeali.