Kultuvrralaš vázzinsoabbi

Ohcanáigemearri: Ođđajagimánu 15. b.

Kultuvrralaš vázzinsoabbi nammasaš ortnega ulbmil lea:

  • Addit boarrásiidda kulturfálaldagaid main lea alla ámmátlaš dáidda- ja kulturfágalaš dássi.
  • Láhčit diliid dasa ahte kultursuorggi ja fuollasuorggi gaskasaš ovttasbargu lassána, nu ahte báikkálaččat ovddiduvvojit buorit dáidda- ja kulturprošeavttat main leat máŋggabealat šáŋŋerat ja dovddaheamit.
  • Fállat lágidemiid ja doaimmaid mat gullet buot dáidda- ja kulturšáŋŋeriidda nugo musihkkii, teáhterii, filbmii, girjjálašvuhtii ja govvadáidagii. Dehálažžan rávvejuvvo ovttasbargu báikkálaš dáidda- dahje kulturásahusaiguin ja eará doibmiiguin nugo museaiguin, girjerájuiguin ja gielddakinuiguin.
  • Váikkuhit dasa ahte boarrásat ožžot alcceseaset heivehuvvon kulturfálaldaga dakkár arenain mat gullet sin beaivválaš eallimii.

Finnmárkku kultuvrralaš vázzinsoappi doarjjanjuolggadusat

  • Dušše gielddat sáhttet ohcat.
  • Bargu ferte leat vuođđuduvvon gieldda plánaide iežas boarrásiid várás ja dan áŋgiruššama organiseremii mii gielddas lea iežas boarrásiid várás.
  • Doaimmat mat leat erenoamážit jurddašuvvon boarrásiidda, vuoruhuvvojit.
  • Eaktun oažžut doarjaga lea ahte gielda lea mielde máksimin unnimusat 20 proseantta iežas oassin doaimma ollislaš goluin.
  • Doarjaga ii leat lohpi geavahit investeremiidda, reaidduid háhkamii, hálddahussii, bargiid bálkkáide, plánemii dahje gelbbolašvuođaloktemii.
  • Doarjja Kultuvrralaš vázzinsoabbái ii galgga buhttet doarjagiid maid gielda leat addán vuoruhuvvon áŋgiruššamiidda ja doaimmaide mat jo leat jođus dahje mat leat plánejuvvon dahje mat jo leat ožžon ruhtadeami. Dakkár doaimmaid ovdamearkan maidda doarjjaruđat eai galgga geavahuvvot, leat sosiála lágidemiid ja daidda gullii guossohemiid, ja vel servviid doaibmadoarjagiid ruhtadeamit.
  • Eaktun oažžut doarjaga lea ahte buohkain geain lea doaibmavádjit olbmuid mieđušteaddjiduođaštus geat doaluide ostet bileahta dábálaš haddái, lea vejolašvuohta oažžut nuvttá dahje hálbbiduvvon bileahta iežaset mieđušteaddjái.
  • Loahpparaporta sáddejuvvo Finnmárkku fylkkagildii maŋimusat ođđajagimánu 15. beaivvi čuovvovaš jagi. Raporta sáddejuvvo elektrovnnalaččat dán čujuhussii: http://www.ffk.no/oza-doarjaga/ dahje sáddejuvvo vejolaš ođđa Kultuvrralaš vázzinsoappi doarjjaohcama mielddusin. Jus raporta ii leat joavdan ođđajagimánu 15. beaivvi rádjai, de massá doarjjaoažžu doarjaga. Finnmárkku fylkkagielda ii sádde dieđu ahte áigu geassit ruovttoluotta doarjaga.
  • Kultuvrralaš vázzinsoappi doarjaga ohcanáigemearri lea ođđajagimánu 15. b. Prošeaktačilgehus oktan bušeahtain ferte čuovvut ohcamuša mielde. Jus ohcci lea ohcan ja ožžon doarjaga ovddit jagi, de ferte raporta ja rehketdoallu sáddejuvvot ođđa ohcamuša mielddusin, ja easkka dalle árvvoštallojuvvo ođđa ohcamuš.
  • Doaimmat mat ožžot doarjaga galget leat čađahuvvon juovlamánu 31. b. seamma jagi.
  • Ohcci galgá geavahit elektrovnnalaš ohcanskovi, maid lea vejolaš gávdnat Finnmárkku fylkkagieldda neahttasiiddus, www.ffk.no
  • Jus doaimmat/doaibmabijut mat leat ožžon doarjaga lohpádusdieđu, eai sáhte čađahuvvot dahje eará sivaid geažil eai čađahuvvo áigumuša mielde prošeaktajagi, de galgá prošeavtta ohcci dalánaga dieđihit fylkkagildii dán čujuhussii: alesia.andreassen@ffk.no.
  • Jus doarjja ii leat geavahuvvon mearriduvvon ulbmilii, de sáhttá Finnmárkku fylkkagielda gáibidit ahte doarjja dahje doarjaga oassi máksojuvvo ruovttoluotta.

Kultuvrralaš vázzinsoappi organiseren gielddain

  • Ávžžuhuvvo ahte juohke gielddas lea sierra olmmoš gii gielddas hálddaša ja doallá ortnega oktavuođaid. Kultuvrralaš vázzinsoappi gielddalaš oktavuođaid doalli galgá fuolahit ahte juohke jagi lágiduvvo dearvvašvuođasuorggi ja kultursuorggi áššáigullevaš ovddasteddjiid oktasaščoahkkin. Juohke ásahusas berre leat kulturoktavuođaid bissovaš hálddašeaddji olmmoš.

Elektrovnnalaš ohcan- ja raporterenskovvi galgá geavahuvvot. Skovvi rahpasa juovlamánu 1. b. 2018.

Dáppe gávnnat elektrovnnalaš ohcanskovi.

Gávdnet go maid ledjet ohcamin?

Oktavuođaolmmoš

Alesia Andreassen
Rådgiver
78 96 31 46