Kuurto-oorninki Rahotus kväänitten/norjansuomalaisten prosektia varten Finmarkussa oon ökonoominen toimi joka stimuleeraa ja eesauttaa rekiunaalista aktiviteettia nasunaaliselle minoriteetille kväänile/norjansuomalaisille.

Mooli / Ulbmil

Doarjjaortnega mihttomearri lea nannet ja ovddidit kvenagiela ja kvena/norgga-suoma kultuvrra Finnmárkkus. Ortnet galgá erenoamážit ovddidit čuovvovaš ulbmiliid: 

• Nannet ja lasihit kvenagiela geavaheami, erenoamážit mánáid ja nuoraid gaskkas 
• Oassálastima ja searvvaheami kvena/norgga-suoma kultuvrii, erenoamážit mánáid ja nuoraid gaskkas 
• Lasihit kvenagiela ja kvena/norgga-suoma kultuvrra gaskkusteami, erenoamážit mánáide ja nuoraide

Kuka saattaa hakea? / Geat sáhttet ohcat?

Ásahusat, organisašuvnnat, searvvit, ovttaskas joavkkut ja eaŋkilolbmot sáhttet oažžut ruhtadoarjaga.

Jakamisen kriteerit / Juolludaneavttut

• Doaimmat fertejit leat áigeráddjejuvvon.
• Dábálaččat dorjojuvvojit dušše doaibmabijut mat čađahuvvojit Finnmárkkus.
• Doaibmabijut main lea viiddis guvllolaš mearkkašupmi vuoruhuvvojit.
• Ohcamat mat deattuhit kvenagiela vuoruhuvvojit.
• Doaibmabijut mánáid, nuoraid ja nuorat rávesolbmuid várás vuoruhuvvojit.
• Váldonjuolggadussan lea ahte ii addojuvvo doarjja promoteremii.
• Váldonjuolggadussan lea ahte ii addojuvvo doarjja seminárii, ohppui, oahppomátkkiide ja sullasaččaide.
• Dábálaččat ii addojuvvo doarjja dábálaš doibmii.
• Dábálaččat ii addojuvvo doarjja dávviriid oastimii dahje eará investeremiidda.
• Dábálaččat eai juolluduvvo ruđat doaimmaide mat leat árvvoštallojuvvon dahje gullet eará doarjjaortnegiidda fylkkasuohkanis.
• Stuorámus doarjjaohcansubmi lea 50 000 ruvnno.

Hakemus / Ohcamuš

Ohcamuša galggat sáddet elektrovnnalaččat ohcanskovi bokte mii lea fylkkagieldda neahttasiidduin. 

Ohcamušas galget čuovvovaš dieđut:

• Doaibmabiju mihttomearri
• Doaibmabiju geográfalaš viidodat 
• Doaibmabiju čađaheami áigeplána 
• Plánejuvvon doaimmaid čilgehus
• Bušeahtta doaimmaid mielde 
• Ruhtadanplána, oktan ohcci iešruhtadeamiin, ja vejolaš ruhtadeapmi eará ruhtadeaddjiin.
• Doaibmabiju ulbmiljoavku/joavkkut ja mo ohcci pláne olahit sin.
• Ohcci vuolggasadji/gelbbolašvuohta čađahit doaibmabiju
• Visogovva vejolaš ovttasbargoguimmiin. Plánejuvvon ovttasbargu galgá duođaštuvvot šiehtadusain, mearrádusain, áigumušjulggaštusain dahje sullasaččain.

Jus ozat doarjaga eará ruhtadeaddjiin, de galgá ohcamušas boahtit ovdan gii/geat dat lea(t). Jos leat juo ožžon doarjaga, de galggat duođaštusa lasihit mielddusin ohcamuššii.

Mii árvvoštallat ohcamuša ohcanskovi dieđuid vuođul. Visot áššáigullevaš dieđut maid mii bivdit galget mielde ohcamušas.

Ohcamušat mat bohtet maŋŋá ohcanáigemeari, váilevaš ohcamušat dahje ohcamušat mat eai gula ortnegii eai meannuduvvo ja daid hilgut. 

Hakemusseema / Ohcanskovvi

Loga dárkilit čállosa dán siiddus ovdal go sáddet ohcamuša. Fuomáš ahte ohcamušat dábálaččat leat almmolaš dokumeanttat mat almmuhuvvojit FFK almmolaš journálas.

Mana ohcanskovvái

Hakemuksen fristi / Ohcanáigemearri

Jahkásaš ohcanáigemearri lea skábmamánu 15. b boahttevaš bušeahttajagi ovddas. 

Hakemusten käsitteleminen / Áššemeannudeapmi

Ohcamušat árvvoštallojuvvojit mearriduvvon eavttuid vuođul ja ollislaš govas. Mearrádusaid dahká dat fylkkaráđi lahttu geas lea ovddasvástádus kultuvrras, áššemeannudeaddji árvalusa vuođul. Buot ohccit ožžot čálalaš mearrádusreivve dakkaviđe go áššemeannudeapmi lea loahpahuvvon.

Lisärahan maksaminen / Juolluduvvon doarjja máksin

Fylkkagielda máksá doarjaga rehkega vuođul. Ohccit geat ožžot doarjaga, galget sáddet rehkega fylkkagildii maŋŋá go mearrádusreive lea vuostáiváldojuvvon almmá vuođohis vuordima haga, ja maŋimusat dan áigemeari siskkobealde mii lea biddjojuvvon mearrádusreivii.

Loga mo sáddet midjiide rehkega. 

Ehot lisärahan käytöstä / Doarjaga geavaheami eavttut

• Doarjja galgá geavahuvvot nu mo leat ohcamusaš čilgen, ja daid eavttuid mielde mat leat dieđihuvvon juolludusreivves.
• Jus doaibmabidju, bušeahtta dahje áigeplána rievdá mearkkašahtti láhkái, de dat galgá šiehtaduvvot fylkkagielddain čálalaččat. Rievdadusaid ferte fylkkagielda dohkkehit. Jus leat stuorra rievdadusat maid it leat čálalaččat soahpan fylkkagielddain, de mii sáhttit gábidit ahte doarjja máksojuvvot ruovttoluotta.
• Doarjjaoažžu berre almmuhit ahte fylkkagielda lea dorjon doaibmabiju. Fylkkagieldda logo galgá biddjojuvvot oidnosii ovdanbuktinávdnasis jus dat ráhkaduvvo doaibmabiju olis. Viečča FFK logo dás.

Raporteeraus / Raporteren

• Doarjaga geavaheami rehketdoallu ja raporta galgá sáddejuvvot fylkkagildii nu jođánit go vejolaš maŋŋá go doaibmabidju lea čađahuvvon, ja maŋimusat guovvamánu 1. b. jagi maŋŋá go doarjja lea juolluduvvon.
• Raporta galgá sisttisdoallat čilgehusa čađahuvvon doaimmain ja geaid leat olahan doaimmaid bokte. Jus juolluduvvo doarjja muhtun kursii, lágideapmái dahje sullasažžii, de galgá almmuhit man gallis leat oassálastán.
• Rehketdoallu galgá čájehit mo doarjja lea geavahuvvon, ja galgá buohtastahttojuvvot sáddejuvvon bušeahtain.
• Váilevaš raporteren sáhttá dagahit ahte doarjja gessojuvvo ruovttoluotta ja gáibiduvvo máksojuvvot ruovttoluotta.

Raporta ja rehketdoallu sáddejuvvojit mielddusin e-poastta bokte čujuhussii: postmottak@ffk.no.

Valittaminen / Váidinvejolašvuohta

Mearrádusaid sáhttá váidit hálddahuslága (forvaltningsloven) § 28 vuođul. Váidima galgá čálalaččat sáddet fylkkagildii 3 vahku siste maŋŋá go mearrádusdiehtu lea boahtán, lága § 29 mielde. Váidaga hápmi ja sisdoallu gáibádus lea aiddostahttojuvvon lágas § 32.  Jus fylkkagielda doalaha mearrádusas maŋŋá go váidalus lea boahtán, de sáddejuvvo váidalus fylkkagieldda váiddalávdegoddái. Váiddalávdegotti mearrádus lea loahpalaš.

Rahotus kväänitten prosektia varten Finmarkussa - suuntalinjat päätetty 17.1.2023 (PDF, 653 kB)

Retningslinjer - midler til kvenske formål i Finnmark, vedtatt 17.1.2023 (PDF, 696 kB)

Sámegillii ođasmahttojuvvon: 17.10.2025
Samisk versjon oppdatert: 17.10.2025