- Evttohehket kandidáhtaid vejolaš bálkkášumi vuoitin. Maiddái dánge jagi juohkit mii kultur-, dásseárvo- valljivuođa-, johtolatsihkkarvuođa-, ja biras- ja báikeovddidahttin bálkkášumi, lohká gulahallanhoavda Trond Magne Henriksen Finnmárkku fylkkagielddas.  

 - Sihkkarit leat máŋggasis evttohusat muhtun olbmui gii lea olu návccaid bidjan ovtta dáid njealji servodatsurggiin.  Sádde midjiide evttohusa, ja muitte addit albma vuođušteami ja muital veaháš historihka kandidáhta birra, dadjá Henriksen. Áigemearri lea miessemánu 5. beaivvi 2010. Bálkkášupmi lea juohkehažžii 30.000,- kruvnnu ja dáiddaduodji. Bálkkášumit geigejuvvojit fylkkadiggečoahkkimis dán jagi mielde. Diibmá ledje Frank ja Regine Juhls, Kjellaug Kvalness, dearvvašvuođa buohccedivššárat Álttás, ja Terje Paulsen ja Brennelv bygdelag bálkkášumi vuoitit.  Čáhcesullos, fylkkadiggečoahkkima oktavuođas lágiduvvojedje eahketdoalut gos bálkkášumit geigejuvvojedje.  

Gulahallanolbmot: Gulahallanhoavda Trond Magne Henriksen, 78 96 20 72 dahje 481 03145 Kultur- ja valáštallanhoavda Marianne Pedersen 78 96 20 97 (Fylkkakulturbálkkášupmi ja dásseárvo- ja valljivuođabálkkášupmi) Areála- ja kultursuodjalanhoavda Stein Tage Domaas 78 96 20 73 (biras- ja báikeovddidahttinbálkkášupmi - beasatlašvuohta buohkaide) Johtolathoavda Per Björn Holm-Varsi 78 96 21 10 (johtolatsihkkarvuođabálkkášupmi)