Kárášjoga gielda lágida vuosttas geardde fylkkačoahkkaneami dál 2010:is. Gielddas lea ovttasbargu eaktodáhtolaččaiguin ja ámmát olbmuiguin sihke gielddas ja olggobealde gieldda čoahkkaneami oktavuođas. Váhnenjoavkkut, joatkkaskuvla, valáštallansearvvit, musea ja Sámi dáiddaguovddáš veahkehit vai nuoraide šaddá nu buorre dilli go vejolaš.  

Kárášjohka joatká árbevieru mas ruošša rockejoavku "It's cummin" čuojaha vahkkoloahpa.  

Sámedikki várrepresideanta Laila Susanne Vars galgá almmolaččat rahpat dán čoahkkaneami.  

Eanet dieđuid addá Kultur- ja valáštallanhoavda Marianne Pedersen, tlf. 78 96 20 97, mátketlf. 979 71 921  

Duogášdieđut UKM birra Buohkat, gaskal 10 ja 20 jagi, sáhttet searvat UKMii.  UKM lea juhkkojuvvon golmma dássái; gielddačoahkkaneamit, fylkkačoahkkaneamit ja riikkačoahkkaneamit.  Buohkat geat leat dieđihan iežaset gielddačoahkkanemiide, mii dávjá lágiduvvo ođđajagimánus/guovvamánus leat mielde.  Dáppe mearriduvvojit sii guđet besset ovddastit gieldda fylkkadásis.  Fylkkačoahkkaneapmi bistá olles vahkkoloahpa ja lágiduvvo njukčamánus/cuoománus.  Dáppe mearriduvvojit sullii 25 áirasa ovddastit fylkka riikkačoahkkaneamis Troandimis miessemánus/geassemánus.  

Finnmárkku fylkkagielda lea leamaš mielde lágideamin kulturgilvvuid álggu rájes 1987.  Vuosttas fylkkačoahkkaneapmi lágiduvvui Čáhcesullos 1987.  Golmma jagáš málle álggahuvvui 2001 ja čuovvovaš gielddain leamaš ovddasvástádus: 2001-2003 Čáhcesuolu, 2003-2006 Hámmarfeasta ja Davvenjárga 2007-2009.  

 Loga maid www.ukm.no