Girdibisáneapmi Norggas ja Eurohpas ii leat čuohcan nu olu doaimmaide dahje bálvalusfálaldagaide.  Poasta lea veaháš maŋŋonan, ja nugo lea juo dovddus, de fylkkasátnejođiheaddji ja fylkkaráđit šadde "gutnaheahttái" Brüsselis bearjadaga.  Muhto sii jovde ruoktot moadde beaivvi maŋŋil; biillain, fatnasiin ja girdiin.  

 - Min čoahkkinstallamiidda eai oro šaddamin erenoamáš rievdadeamit.  Boahtte vahkus galgá fylkkalávdegoddi čoahkkanit Davvenjárgii, ja dohko gal áirasat vudjet biillain, lohká fylkkaráđđeolmmái Tom Mikalsen.

- Jos girdifálaldagat gáržžiduvvojit, de dat sáhttá šaddat hástaleaddjin Finnmárkku fylkkagildii oasálastit dehálaš čoahkkimiin, dadjá fylkkaráđđeolmmái Tom Mikalsen. - Johtolatsuorggi bealis mii árvvoštallat dilálašvuođa.  Jos girdiljohtolat hedjona guhkit áigái Finnmárkkus, de fertet guorahallat busse- ja fanasjohtolat vejolašvuođaid. Fylkkaráđđeolmmái nugo bargoaddin ferte maid guorahallat sullii 1000 bargiid mátkkoštannjuolggadusaid, ja movt vejolaš maŋŋoneamit čuhcet luopmobeivviide.  

Gulahallanolmmoš: Fylkkaráđđeolmmái Tom Mikalsen 928 29465