Fylkkadiggi válddii buori áiggi meannudit Finnmárkkuopmodaga (FeFo) strategiijaid áigodagas 2011-2014. Strategiplána sáddejuvvo gulaskuddamii čakčat, muhto Finnmárkku fylkkadiggi háliidii árrat leat proseassas fárus. Danne evttohuvvojedje iešguđet árvalusat ja maŋŋil vuđolaš divaštallamiid šattai áššis ovttaoaivilvuohta.  Oktasašárvalus dohkkehuvvui guhtta jiena vuostá.

Vuosttas čuokkis lea FeFo riektedili birra, gos čujuhuvvo ahte FeFo lea almmolaš ásahus.  Boahtte ášši lea badjebáza ja vuoitu, mas fylkkadiggi háliida ahte badjebáza juogaduvvo Finnmárkku fylkkadiggái ja Sámediggái.Goalmmádis lea eaiggávuohta ja FeFo váldodoaibma, njeáljádis fas ovttasbargu FeFoin - áinnas sullasaš šiehtadus mii lea gaskal Statskog ja Romssa ja Nordlándda. Viđát čuokkis lea beaggima birra, ja fylkkadiggi cealká ahte FeFo berre eambbo guldalit daid orgánaid mat Finnmárkkuopmodahkii válljejit stivrra.

Áirras Svein Iversen bijai ovdan habilitehtagažaldaga. Boađus šattai nu ahte Svein Iversen, KrÁ, ja Knut Mortensen, SV, guđiiga čoahkkima ášši meannudettiin go soai leaba várreláhtut FeFo stivrras ja nu šattaiga áššebeallálačča.

Dáppe gávnnat olles ášši: