Helga Pedersen rabai almmolaččat Diehtovisti.  - Lea hui somá go dát han leat dat boares gávpelanjat gos mii láviimet tihppet ovdal, ja nu doaivvuimet vuoitit.  Dál leat nuoraid niegut mat sáhttet ollašuvvat dáid lanjain.  Oahppu sulastahttá veaháš buđetlasttaid: go ovtta leat borran, de háliidat eanet.  Dát lea maiddái dehálaš ásaheapmi eastadit jávkama mii midjiide lea stuorra hástalussan dál, logai Pedersen ovdal go čuohpastii fiberláiggi.  

Rahpandilálašvuođas daddjojedje olu čáppa sánit ja skeaŋkkat Deanu sátnejođiheaddjái, Frank Ingilæ'ii.  Earret eará oaččui sátnejođiheaddji rásiid LOSA-oahppiin, skeaŋkka Digfors studeanttain geat maid leat Diehtovisti geavaheaddjit.    

Fylkkaráđđi Knut Mortensen attii skeaŋkka Finnmárkku fylkkagieldda bealis. - Dat lea stuorra árvu gildii dán Diehtovisti rahpat.  Finnmárkku fylkkagielda skeŋke didjiide dálvegova.  Nu go diehtit de rivdet dálkkádagat ja soaitit boahtteáiggis oaidnit dušše dálvvi  govain, dajai Mortensen.  

Deanu kulturskuvla guoimmuhii, ja guokte oahppi juoiggasteigga vel.    

Eambu dieđuid Diehtovisti birra gávnnat Deanu gueldda interneahttasiidduin