Ođasmahttin-, hálddahus- ja girkodepartemeanta (OHGD) geavahii golbma jagi meannudit šiehtadusa, ja Finnmárkku fylkkagielda celkkii iežas oaivila mannan geasi.  Ovdalaš juovllaid bođii departemeanttas vástádus gos sii oaivvildedje ahte fylkkadiggi ii sáhttán 2006as šiehtadallat FFRain (Veolia).

Fylkkasátnejođiheaddji Runar Sjåstad cealká Ođasmahttin-, hálddahus- ja girkodepartemeantta áiddo dahkkon nuppástuhttimii ná:

- Mii eat leamaš ovtta oaivilis departemeantta oainnuin, muhto leimmet gearggus dustet váikkuhusaid.  Eat ge mii háliidan váidalit ášši, lohká Sjåstad.  Fylkkalávdegoddái galggai boahtte vahkus čielggaduvvot ahte šiehtadus lei lobiheapme, muhto dál lea OHGD jorgalan  dán áššis.

- Mii leat čuvvon šiehtadusa, ja leat álo čuvvon proseassaid ja vástidan dan maid galggaimet.  Seammás leat mii doalahan ruvttobálvalusaid geavaheddjiide, ja mis lea leamaš buorre gulahallan FFRain, lohká Sjåstad.

Fylkkasátnejođiheaddji galggai boahtte váhkus muitalit fylkalávdegoddái OHGD juovlamánu-mearrádusa, muhto dál ferte muitalit OHGD ođđa mearrádusa birra.

- Mii čuovvut dál dan ođđa mearrádusa, ja dál ii gávdno šat vuođđu eretcealkit šiehtadusa FFRain.  Min bealis leat mii leamaš rahpasat ja olámuttos dán áššis, ja leat sihke jođánit ja rivttes láhkái vástidan, dadjá fylkkasátnejođiheaddji.  

Fylkkasátnejođiheaddji Runar Sjåstad lea gávdnamis tlf. 415 52985 muhtun áiggi ovddasguvlui (mátkis Bearalváhkái).