án áiggi mii devdojuvvot statistihkalaš dieđuiguin, ja sáhttá muhtumin váttis gávdnat daid dieđuid maid dárbbaša.  Statistihkalaš analysat almmuhuvvojit medias beaivválaččat.  Čuoččuhusat statistihkaid vuođul leat eanet jáhkehahtti, muhto daid sáhttá dulkut ja čilget iešguđet láhkai.  

Finnmárkkustatistihkka almmuha luohtehahtti ja jáhkehahtti dieđuid servodatguoski áššiid birra Finnmárkkus.  Fylkkagielda lea ovttas Norut Áltáin máŋga jagi bargan ahte ovdánahttit  Finnmárkkustatistihka interneahta bokte.  Áigumuš bargguin lea čohkket nu olu statistihkkadieđuid go vejolaš Finnmárkku birra ovtta sadjái ja gos dieđuin lea buorre kvalitehta ja analysat. Seammás lea bargu divrras, ja dat lea váikkuhan ahte buot dieđut ja analysat eai leat ođasmahttojuvvon dán jagi, muhto bargu joatkašuvva 2010:s.  

Finnmárkkustatistihka ođđa veršuvnnas leat visot bargomárkan, álbmoga ja ealáhusovdánahttin analysat ođasmahttojuvvon.  Ja sáhttá ge oaidnit movt ovdánahttin lea leamaš muhtun guovlluin ja gielddain, ja maiddái muhtun ealáhusain ja surggiin.   

Dán jagi lea Norut Áltá maiddái geavahan resurssiad ođđa teknihkalaš čovdosiidda álkidan dihtii Finnmárkkustatistihka geavaheami. Plánahoavda OutiTorvinen fylkkagielddas lea hui duhtavaš dálá bohtosiin. - Mii doaivut ahte Finnmárkkustatistihkka doaibmá diehtogáldun,  gos Finnmárkku servodatáššiid birra sáhttá viežžat dieđuid mainna lea kvalitehta, lohká plánahoavda.  Áigumuš lea ahte ieš fylkkagielda, gielddat ja eará servodatberošteaddjit oidnet statistihka ávkkálažžan.  - Mii váldit áinnas vuostá árvalusaid ja oaiviliid, loahpaha plánahoavda.