Kultur- ja valáštallanhoavda Marianne Pedersen geigii Nilsenii Eaktodáhtolaš bálkkašumi diploma ja nálu, ja sátnejođiheaddji Inger Katrine Juuso geigii gieldda bealis gova ja rásiid.

Vuođđun nominašuvdnii lea Nilsene áŋŋgiruššan valáštallansuorggis ja erenoamáš Várjjat spábbasearvvis.  Jury ákkat ledje ee.: "Su eaktodáhtološ áŋggiruššan lea erenoamáš dehálaš mánáide ja nuoraide. Smávva gielddain nugo Unjárggas leat nanu searvvit ja organisašuvnnat dehálaččat ja  áŋggirdeaddjit leat dehálaš servodaga čálgobuvttadeaddjit".