Regionála dutkanfoanda lea ođđa vuruheapmi mii galgá ráhkadit vuođu ođđadoaimmaide ja innovašuvdnii vai ealáhusat ja almmolaš suorggit eanet geavahit dutkama ja ovdánahttima.    6 mrd. lea biddjon regionála dutkanfondaid fondii. Vuoitu lea rehkenastojuvvon šaddat 219 mill.kr. ja juhkkojuvvo 7 guovllufoanddaide.  Golbma davvinorgga fylkka gullet Foandaregiovdnii Davvi-Norga.  

Romsa šaddá verddefylka

Diet golbma fylkka leat ovttaoaivilis ahte Romssa fylka galgá áimmahuššat verddefylkka doaimmaid. Verddefylkka rolla lea ahte váldit vára foandda hálddašeami ovttasbargo fylkkagielddaid ovddas.  Čállingotti jođiha čállingottičálli, ja organiserejuvvo fierpmádatmodealla mielde.  Dát mearkkaša ahte juohke oasseváldifylka geatnegahtto  bargoresursaortnega čuovvolit.  

Stivra áirasat Finnmárkkus

Diet golbma fylkkagieldda leat juohkehaš nammadan guokte áirasa Dutkanráđi stivrii, ja Sámediggi fas ovtta áirasa.      Finnmárkku fylkkadiggi nammadii juovlamánu 9.b. stivrii sadj.fylkkamánni Tor Stafsnes ja seniordutki Trine Kvidal, Norut Alta. Soai leaba guokte akademihkkara ja sudnos lea buorre gealbu dutkan-, ealáhus- ja servodatáššiin. Várreolbmot leat Ingvild Wartiainen, Bioforsk Svanhovd jođiheaddji ja Ketil Holmgren, Hammerfest Næringsvest AS.  

Foandda vuoruhanguovllut Davvi-Norggas  

Foanddaregiovdna Davvi.Norga mearriduvvon strategiain lea mearriduvvon njeallje voruhanguovllu 2010-2011 áigodohkii.  Dat leat arvohahkan ja innovašuvdna davvi ealáhuseallimis, dálkkádatheiveheapmi, Davvi ealáhus, regionála čálgoovdánahttin davviguovlluin ja rájáidrastildeaddji reguonála ovdánahttin Barentsguovllus.    Foanda galgá áimmahuššat regiovnna dutkandárbbuid mat gahččet našunála vuoruhemiid olggobeallái.  

Geat sáhttet ohcat daorjaga?

Váldogáibádus lea ahte ohcci hálida dutkat temá foandda vuoruhuvvonsurggiid siskkobealde. Lea vejolaš oažžut doarjaga nannet fitnodagaid ja almmolaš ásahusaid dutkan- ja ovdánahttindoaimmaid.  Foanda doarju maid prošeavttaid maid ulbmil lea nannet dutkanbirrasa vuoruhuvvon surggiid siskkobealde.  Doarjja juolluduvvo maid ovdánahttit ja buoridan dihtii prošeavttaid mat eai leat doarvái buorit kvalitehta ektui ja danne eai oaččo doarjaga eará sajis.  

Gulahallanolbmot: Fylkkasátnejođiheaddji Runar Sjåstad, tlf. 78 96 20 47/415 52 985

Sierraráđđeaddi Charles Petterson, tlf. 78 96 20 68