Čállán: Kaisa Banne
Plána galgá veahkehit buoridit čáhcekvalitehta dáin golmma gielddain Finnmárkkus. Fylkkagielda váldá badjelasas čáhceregiovdna ovddasvástádusa ođđajagimánu 1.b. 2010.
Norga lea geatnegahtton EØS-šiehtadusa bokte vuhtii váldit EO čáhcenjuolggadusaid. Ođas lea ahte suorgeeieseváldiin galgá lagaš ovttasbargu ja ovttastahttit bargguset sihkarastin dihte buori čáhcekvalitehta.
Finnmárkku fylkkamánni jođiha barggu ja pilotprošeavtta bokte ráhkada hálddašanplána golmma čáhceguvlui Finnmárkkus. Fylkkamánne galgá maid fágalaččat fuolahit ahte plána čuvvojuvvo. - Plána lea dahkkon sierra njuolggadusaiguin, mat maid mearridit ahte Finnmárkku čáhceregiovnna vuosttas plána galgá dohkkehuvvot fylkkadikkis ja maŋŋil gonagaslaš resolušuvnna bokte, muitala plánahoavda Torvinen.
Plána lea huksejuvvon dieđuid ala mo mihtidit čáhcehivvodagaid EO-standarddaid mielde: hirbmat buorre, buorre, dohkálaš, heittot ja hui heittot. Go dáid namuhuvvon čáhcehivvodagaid árvvoštallá, de váldojuvvojit vuhtii doaimmat mat vaikkuhit čáhcekvalitehtii, ja vejolaš risikoa čadnasa báikkálaš čáhcenbohcenuoskideapmái, eará čáhcenuoskidemiide, fysálaš billistemiide ja áibmojohtolat nuoskidemiide.
Plána mielde lea oanehis veršuvdna ja dárkilis doaibmaprográmma. Almmuhuvvon doaimmat galget juoba buoridit dili, skáhput mearridanváldi dahje hehttet eanet nuoskidemiid. Doaimmat čađahuvvojit gielddaid, Pasvik Kraft os, NVE, Stáhta geaidnodoaimmahat, Biebmobearráigeahčču ja Finnmárkku fylkkamánni bokte. Sáhtát geahččat oanehis veršuvnna dán foillas maid FD galgá dohkkehit. Plána čájeha ahte Njávdámjohka lea measta áibbas buhtis. Muhto lea ain dárbu eastadandoaimmaide Deanučázádagas, vaikko doppe leat juo máŋga jagi vuoruhan doaimmaid eastadan dihtii duolvačázi olggosgolgama. Dušše dat doaimmat mat leat ollislaččat ruhtaduvvon leat mielde dán vuoro.
Plánahoavda Outi Torvinen muitala ahte Finnmárku lea nammaduvvon sierra čáhceregiovdnan Norgga 9 čáhceregiovnnaid gaskkas. Fylkkagielddat galget jođihit juohke čáhceregiovnna ođđajagimánu 1.b. 2010 rájes. - Mis lea lihkká álki Finnmárkkus go mis lea dušše okta fylkkagielda čáhceregiovnnas Finnmárku, lohká plánahoavda Outi Torvinen, muhto dat ii mearkkaš ahte mis eai leat hástalusat go 2010:s váldit badjalasamet čáhceregiovdnaovddasvástádusa. Čáhceregiovdnaovddasvástideaddji doaibma mearkkaša eanet doaimmaid fylkkagildii, omd.: Mii galgat jođihit čáhceregiovdnalávdegotti mas leat mielde Finnmárkku fylkkamánni, NVE-regiovdna Davvi, Guolástusdirektoráhtta Reg. Nuorta-Finnmárku, Stáhta Geaidnodoaimmahat-regiovdna Davvi, Kystverket Finnmárku ja Romsa, Biebmobearráigeahčču Finnmárku ja Gielddaid guovddášlihttu. Mii galgat ovttasahttit čáhcehálddašanplána doaimma eará čáhceguovlluide Finnmárkkus Plána oanehis veršuvnna gávnnat dáppe: Dáppe gávnnat Báhcaveaje, Deanu ja Njávdám hálddašanplána.
Plána galgá veahkehit buoridit čáhcekvalitehta dáin golmma gielddain Finnmárkkus. Fylkkagielda váldá badjelasas čáhceregiovdna ovddasvástádusa ođđajagimánu 1.b. 2010
Dáppe gávnnat oanehis veršuvnna:
http://www.ffk.no/docs/e146d3f5-e6fc-4b79-a89b-afc49b2a7c96.pdf
Dáppe gávnnat hálddašanplána:
http://www.vannportalen.no/hoved.aspx?m=36319&amid=2836397