Máŋgasa hirpmahuhtii ahte eanet bargo- ja oahpahallisajit vuoruhuvvojede ovddimussii.  Nuoraidpolitihkalaš lávdegotti jođiheaddji, Ragnhild Kaski, oaivvildda ahte dát berrešii boktit politihkarid. - Nuorat beroštit stuora ja dehálaš áššiin, ja politihkkarat berrejit guldalit min oaiviliid, lohká son.           

Ášši mii oaččui nubbin eanemus jienaid lei nuoraide lágidit kulturkoartta.  Dát lea čađahuvvon máŋgga fylkkas, ja dát sáhka jorai olles konferanssa áiggi go dál lea áigi ahte nuorat maiddái Finnmárkkus ožžot eanet kulturfálaldagaid kulturkoartta bokte.  

Goalmmát sadjái bođii dáhtu ásahit nuoraidráđi buot fylkka gielddaide, ávžžuhus mii manná erenoamáš gielddasátnejođiheaddjiide ja báikkálaš politihkkariidda.  

Nuorat deattuhedje maid ođasmahtii energiija, ja Finnmárkku ráhkadit "ođasmahtti energiija-oaivegávpogin" bođii njealját sadjái.  Eará evttohusat mat ožžo ollu jienaid  lei buoridit ja viiddidit joatkkaskuvlafálaldagaid, narkotihkakeahtes fylka, jahkásaš nuoraidkonfereansa ja hálbbit kollektiivajohtolat nuoraide  

Fylkkadiggepolitihkkar Marit Rolstad (Bb) čuovui konfereanssa olles áiggi.  Son lei hirpmástuvvan daid buriid evttohusaid badjel ja lohpidii daid čuovvolit. - Dađibahábut ledje uhcán politihkkarat dáppe, muhto doaivvun ahte mii oažžut ándagassii jos mii bargagoahtit dáid áššiiguin, lohká son, ja seammás dadjala vel ahte vuordá duppalgeardde eanet politihkkariid ođđa konferensii boahtte jagi.  

Loahpahettiin konfereanssa  Ragnhild Kaski giittii oasseválddiid erenoamáš

 buori árjja ovddas ja muittuhii vel ahte bargu ii leat nohkan; - dál fertet vuolgit iežamet gielddaide, ja bargat politihkkariiguin buot surggiin ja rahčat vai min niegut ollašuvvet, loahpahii son.