Son gáibida ahte Finnmárku dahká dan seammá go muđui eará Norgga fylkkat ja ásahit oahppiid- ja oahpahalliidáittardeaddji. - Ráđđehus lea áigá juo ávžžuhan buot fylkkagielddaid ásahit dákkár áittardeaddji, ja dál lea measta dušše Finnmárku mii ii leat dan dahkan.  Lea áibbas heittot, son loahpaha.

Nuoraidpolitihkalaš lávdegottis lei čoahkkin Čáhcesullos golggotmánu 4.b. ja doppe sii mearridedje ovttajienalaččat čuovvovaččat meannudettiin oahppiid- ja oahpahalliáittardeaddji ášši:

"Nuoraidpolitihkalaš lávdegotti mielas lea dárbu oahppiid- ja oahpahalliáittardeaddjái Finnmárkkus, ja oaivvilda dákkár áittardeaddji dehálažžan nannet oahppiid ja oahpahalliid vuoigatvuođaid.

Nuoraidpolitihkalaš lávdegoddi lea guorahallan surggiid gos oahppiid- ja oahpahalliidáittardeaddjái lea dárbu:

- oahppiidráđi oahpahit

- heaitinváttisvuođat

- oahpahalliid vuoigatvuođat

- sámi áššit

Nuoraidpolitihkalaš lávdegoddi bivdá Gealbolávdegotti jođáneamos lági mielde ásahit Finnmárkui oahppiid- ja oahpahalliidáittardeaddji virggi.  Lávdegoddi oaivvilda ahte berre leat 100% virgi, ja ahte áittardeaddji virgi organiserejuvvo dan láhkai ahte sorjjasmeahttunvuohta sihkarasto.

Nuoraidpolitihkalaš lávdegoddi hálida leat mielde dán virggi mandáhta ráhkadeamis.

Finnmárkku fylkkadiggi lea nammadan Nuordaidpolitihkalaš lávdegotti mas leat 9 áirasa ja 9 várreláhtu.  Lávdegoddi galgá ovddastit nuoraid Finnmárkkus, ja doaibmat gulahallanásahussan nuoraidáššiin.  Lávdegoddi sáhttá maid iešheanálaččat mearridit áššiid.

Gulahallanolmmoš: NpL jođiheaddji Ragnhild Kaski, tlf. 411 01621