Buot Finnmárkku fylkkadiggepolitihkarat bovdejuvvojedje konferensii, muhto 35 politihkariin lea dušše okta dieđihan iežas konferensii.  -Lean hui behtohallan go eanet politihkarat eai leat dieđihan konferensii, lohka NpL jođiheaddji, Ragnhild Kaski.  

Konfereansa bistá golbma beaivvi, ja Kaski ádde ahte muhtimiidda lea menddo guhkes áigi.  Almmatge oaivvilda son ahte dat ii sáhte leat ággan ahte ii searvat. - Jos muhtumiid mielas  golbma beaivvi lea menddo guhkes áigi, de berrejit ain juo oasálastit maŋimuš beaivvi, go dalle dahkkojuvvojit evttohusat ja bohtosat, lohká son.  

- Politihkarat dávjá hállet man dehálaš nuorat leat Finnmárkui, ja ahte lea dehálaš ahte mii máhccat fylkii maŋŋil oahpu, muhto go dušše okta boahtá konferensii čájeha ahte leat dušše guoros sánit, loahpaha Kaski imaštaladettiin.  

Nuoraidpolitihkalaš Lávdegoddi (NpL) lágida ovttas Finnmárkku fylkkagielddain, nuoraidviesuin Bootleg ja Aktiv Ungdom konfereanssa Nuoraid Finnmárku Hámmarfeasttas golggotmánu 14.-16.b.  Konfereanssas čoahkkanit nuorat miehtá fylkka divaštallat ja buktit evttohusaid mo Finnmárku sáhtt šaddat ain buoret orrunbáikin.  

Finnmárkku fylkkadiggi lea nammadan Nuoraidpolitihkalaš Lávdegotti ja das leat 9 áirasa ja 9 várreláhttu.  Lávdegoddi galgá ovddastit Finnmárkku nuoraid, ja doaibmat gulahallanásahussan nuoraidáššiin.  Lávdegoddi sáhttá maid iešheanálaččat válljet áššiid.  

Gulahallanolbmot: NpL jođiheaddji Ragnhild Kaski, tlf. 411 01621

Nuoraidvástideaddji Per Øyvind Voie, tlf. 976 65446