-Eanaš gielddat leat juo dieđihan iežaset áirasiid, ja orru šaddamin hirbmat somás konfereansa, lohká son.

Lea ain gielddat mat eai leat vel dieđihan áirasiid, nu ahte jos leat gaskal 15 ja 30 jagi, ja leat eret Várggáin, Unjárggas, Láhpis, Fálesnuoris, Deanus dahje Kárášjogas, de lea dus ain vejolašvuohta searvat konferensii.  Voie ávžžuha du váldit oktavuođa iežat gielddain nu johtilit go vejolaš, ja muitalit ahte don vuolggášit konferensii Nuoraid Finnmárku.  - Ain lea vejolaš searvat, muhto dál šaddagoahta hoahppu, lohká Voie, gii deattuha ahte konfereansa lea buohkaide nuvttá, ja ahte Finnmárkku fylkkagieldá gokčá mátke-, iddjadan-, borramuš- ja sosiála suohtastallangoluid.  

Konfereansa Nuoraid Finnmárku lágiduvvo Hámmarfeasttas golggotmánu 14.-16.b. Konfereanssa ulbmil lea čohkket buot fylkka nuoraid oažžun dihtii árvalusaid mo Finnmárku sáhttá šaddat ain buoret orrunbáikin. Lassin fágalaš sisdoalu, de galget maid konsearttat Trendsettarklubben, Moillrock ja MetallICA bokte.  

EO-prográmma Aktiv Ungdom lea dorjon ekonomalaččat dán konfereanssa.  

Eanet dieđuid konfereanssa Nuoraid Finnmárku birra addá nuoraidvástideaddji Finnmárkku fylkkagielddas, Per Øyvind Voie, tlf. 976 65 446.